O servizo de conciliación, dirixido a nenos e nenas de entre 3 e 16 anos, desenvolverase no CPI Plurilingüe Cernadas de Castro e comezará as súas actividades o vindeiro 9 de setembro.
O Concello de Lousame, a través da Concellería de Igualdade, anunciou a apertura do prazo de solicitude para participar no programa "Lousame Concilia" de cara ao curso escolar 2026/2027. O obxectivo principal desta iniciativa é facilitar a conciliación da vida laboral e familiar dos veciños e veciñas do municipio durante o período lectivo.
As familias interesadas poderán presentar as súas solicitudes dende o vindeiro 8 de xullo ata o 15 de xullo, ambos os dous incluídos. O servizo está destinado a menores cunas idades comprendidas entre os 3 e os 16 anos.
Horarios e localización
O programa porase en marcha coincidindo co inicio das clases, o vindeiro 9 de setembro, e terá como sede as instalacións do CPI Plurilingüe Cernadas de Castro. O horario establecido para o servizo de conciliación será de mañá, concretamente de 7:30 h a 9:00 h, ideal para aquelas familias que precisan deixar aos seus fillos e fillas antes do comezo da xornada escolar habitual.
Tramitación e información
Os impresos de solicitude xa se encontran dispoñibles para a súa descarga. Unha vez cumprimentados, deberán ser presentados de xeito oficial no Rexistro Xeral do Concello.
Para obter máis información ou resolver calquera dúbida sobre os requisitos e a documentación necesaria, as persoas interesadas poden poñerse en contacto coa Concellería de Igualdade a través dos teléfonos 981 820 494 ou 689 126 385.
 Impreso solicitude para a inscrición |
