Un ano máis o Concello de Lousame, continúa coa actividade Talleres de Memoria dirixida a tódalas persoas maiores de 60 anos.
Baixo o lema ¡Activa - mente!, este Taller ten dous obxectivos principais:
-Mellorar a calidade de vida dos veciños e veciñas maiores, exercitando a súa memoria para previr ou retardar a aparición do deterioro cognitivo.
-Promover a xuntanza de veciños e veciñas para recordar o que xa saben e seguir aprendendo cousas novas.
O Taller de Memoria arranca de novo cunha sesión semanal nos locais sociais de cada parroquia.
Nestas sesións lévanse a cabo actividades dirixidas a manter e mellorar capacidades como a atención, a memoria, as funcións executivas, o cálculo e a linguaxe.
Estas áreas trabállanse mediante dinámicas e exercicios adaptados ao nivel do grupo e tamén ao nivel de cada participante cando é necesario.
A INSCRICIÓN É GRATUÍTA E ESTÁ ABERTA DURANTE TODO O CURSO.
Para inscribirse ou pedir máis información poden contactar cos Servizos Sociais no teléfono 981.820494.
¡Dende o Concello anímase a tódalas persoas maiores de Lousame para que veñan participar nesta actividade coa finalidade de manter e mellorar a súa calidade de vida!
LOCAL SOCIAL | PRESENTACIÓN | HORA |
VILACOBA |
Martes 17 outubro |
10:15 |
SANGUIÑAL |
Martes 17 outubro |
10:00 |
LESENDE |
Martes 17 outubro |
11:30 |
CAMBOÑO |
Mércores 18 outubro |
10:30 |
ESCABIA |
Mércores 18 outubro |
10:30 |
ALDEAGRANDE |
Venres 20 outubro |
10:00 |
CRUÍDO |
Venres 20 outubro |
10:00 |